ေရႊတိဂံု ရင္ျပင္ေတာ္ရွိ ေက်ာင္းသားသပိတ္ ေက်ာက္စာတိုင္ ျပန္လည္ဖြင့္လွစ္ေပးမည္ဟု ၾကားသိရ



Share/Bookmark

ေရႊတိဂံုေစတီေတာ္ ရင္ျပင္ စေနေထာင့္ရွိ တားျမစ္ဧရိယာ ကန္႔သတ္၍ ပိတ္ထားသည္မွာ ၅ ႏွစ္ခန္႔ ၾကာျမင့္ျပီ ျဖစ္ေသာ ေက်ာင္းသားသပိတ္ ေက်ာက္စာတိုင္ကို မၾကာမီ အမ်ားျပည္သူ ၾကည့္ရွဳေလ့လာရန္ ျပန္လည္ဖြင့္လွစ္ေတာ့မည္ဟု ၾကားသိရသည္။

ယခင္ တားျမစ္ပိတ္ပင္ထားစဥ္က
ႏွစ္စဥ္ ျမန္မာႏွစ္ဆန္းတစ္ရက္ေန႔ အပါအ၀င္ ႏွစ္ရက္ခန္႔သာ အမ်ားျပည္သူ ၾကည့္ရွဳႏိုင္ခဲ့ေသာ ေက်ာင္းသားသပိတ္ ေက်ာက္စာတိုင္ကို ယခုအခါ ပံုမွန္ ၾကည့္ရွဳခြင့္ ဖြင့္ေပးရန္ ေဂါပက အဖြဲ႔မွ ၾကိဳးပမ္းလ်က္ ရွိျပီး မၾကာမီ ျပန္လည္ဖြင့္လွစ္ႏိုင္မည္ဟု သိရသည္။



အဆိုပါေက်ာက္တိုင္သည္ ကိုလိုနီ နယ္ခ်ဲ႕ အဂၤလိပ္အစိုးရ၏ ကြ်န္ပညာေရးျဖစ္ေစရန္ ဖိႏွိပ္ကန္႔သတ္ထားေသာ ရန္ကုန္တကၠသိုလ္ အက္ဥပေဒကို မေက်နပ္ၾကသျဖင့္ ေကာလိပ္ေက်ာင္းသားၾကီး ၁၁ ဦး ေတြ႔ဆံု၍ သပိတ္ေမွာက္ရန္ သစၥာအဓိဌာန္ ျပဳေသာ အထိမ္းအမွတ္ျဖင့္ တည္ထားေသာ ေက်ာက္စာတိုင္ျဖစ္ျပီး ေအာင္ေျမသေဘာမ်ိဳးလည္း ေဆာင္သျဖင့္ ျပည္သူႏွင့္ အစိုးရၾကား ပဋိပကၡမ်ား ရွိခဲ့သည့္ ျမန္မာ့ဆိုရွယ္လမ္းစဥ္၏ တစ္ပါတီေခတ္ အပါအ၀င္ ေခတ္အဆက္ဆက္၌ ေက်ာင္းသား ရဟန္းရွင္လူ ျပည္သူအမ်ား စုေ၀းခဲ့ဖူးရာ ေနရာလည္း ျဖစ္ခဲ့၍ သမိုင္း၀င္ေနရာ ဟူေသာ အေၾကာင္းျပခ်က္ျဖင့္ ပိတ္ထားခဲ့ေသာ္လည္း ယခုလက္ရွိ ဒီမိုကေရစီ အစိုးရလက္ထက္၌ ျပန္လည္ဖြင့္လွစ္ခြင့္ ရရွိမည္ဟု ေမွ်ာ္လင့္ရေပသည္။

ေရႊတိဂံုေစတီေတာ္ၾကီး၏ ရင္ျပင္ေပၚ စေနေထာင့္၌ အဆိုပါေက်ာက္စာတိုင္ကို လြန္ခဲ့ေသာ ၉၁ ႏွစ္ အၾကာ ျမန္မာသကၠရာဇ္ ၁၂၈၂ ခု၊ တန္ေဆာင္မုန္း လျပည့္ေက်ာ္ ၈ ရက္ေန႔ (အမ်ိဳးသားေန႔ ျဖစ္ေပၚရန္ ၂ ရက္အလို) ၌ ေက်ာင္းသားၾကီး ၁၁ ဦးေတြ႔ဆံု သစၥာဓိဌာန္ ျပဳခဲ့ေသာ အထိမ္းအမွတ္အျဖစ္ စိုက္ထူခဲ့ျခင္း ျဖစ္သည္။
http://www.mmdailynews.com/viewnews.php?id=518

Share/Bookmark

မွတ္ခ်က္ေရးသားလုိတဲ့ စာဖတ္ပရိတ္မ်ား ေတာင္းဆုိခ်က္အရ ဖြင့္ေပးလုိက္ပါျပီ။ မွတ္ခ်က္မ်ား ေရးသားႏုိင္ပါျပီ။

အချိန်နဲ့တပြေးညီ သတင်းများ ဖတ်ရှုနိုင်ဖို့ facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့နိုင်ပါသည်။
 

Advertisement

 

အသစ် တင်သမျှ သတင်းများ အလို အလျှောက်ပို့ ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ